--------------------------------------------------------------------------------
أنا ماادري وش احساسك ؟؟ ومدري وش تظنيني "
انا الصادق بعينك كنت .. وصرت الكاذب الخوان !
انا اخطيت ماانكر !! ولافيه عذر يكفيني "
سوى اني احبك حيل .. واني دايمآ انسان !
انا ادري بمدى جرحك .. وادري الحظ جافيني "
يطول الوقت مااخطي .. واذا اخطيت .. كل شي بان !
انا شفت الزهر مايل .. ظنيته يناديني "
قطفته يوم ظميته .. لقيته للاسف ذبلان !!
عرفت انك زهر عمري .. عرفت انك بساتيني "
وغيرك قيظ مايروي .. سراب يشقي العطشان !
انا لو ماحصل ماكان .. وشو اللي يدريني "
باأنك ماسواك انتي .. سكنتي القلب والوجدان !
أنا آسف على اعذاري .. عجزت القى عذر فيني "
يليق بغلطتي بحقك .. ويرجع كل شي كان !!
احبك كثر اخطائي .. وادري انك تحبيني "
وادري لو تفارقنا .. فلانقدر على النسيان !!
اذا تقوي على فراقي .. وبعدي عنك خليني "
أنامليت من دور الكرامه .. ولعبة الغفران !
قليل العمر ياللي أنتي .. دموعك ماتساويني "
حرام انه يضيع فراق .. هي من قلها الاحزان ؟؟
موضوع: أخطيت ......!!!!! 
الأحد يوليو 27, 2008 6:01 pm
